श्री शिव तांडव नृत्य- रचना- राजेंद्र दान (कवि राजन झणकली)

श्री शिव तांडव नृत्य
रचना। राजेंद्र दान।।
कवि राजन झणकली।।
शिव हर धर सरग पर सांप्रत रचायो साच।
कर कर सेन केलासपत नाचत तांडव नाच।
🙏छन्द रैंणकी🙏
धर धर कर धरत सरद पर पग धर हर हर नाचत सेन करे।
भर भर तव डगर भुवन पर भर कर थर थर धूजत सरग थरे।
झर झर कर झड़त पड़त पन झर कर रामत शशिधर रास रमे।
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे।।   1
फण फण कर फणण फणण फण ऊपर विषधर फण कर वार वजे।
तण तण हर तणण तणण दृग तांणत भव पर निरखत भार भजे।
झण झण सब झणण झणण बज झांझर खंणकत घूंघर खमा खमे।
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे।।  2
नम नम सुर नमत नमत कर नम नम सरगन निरखत आय सरे।
घम घम कर घमत घमत पग घमकत भळकत त्रिशूलन भाव भरे।
तम तम अत तमत तमत निज तन पर तमगण तपकर नाथ तमे।
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे ।।   3
फट फट झट प्रगट प्रगट हर झटपट लट पट कटि उर निकट लुळे।
धिधकट धिधकट धट ध्रुकट ध्रुकट धट तबलत पद सुरताळ तळे।
लट पट पग उलट पलट हर झटपट देखत अचरज देव दमे
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे।।  4
भळ भळ कर भळळ भळळ सर भळकत खळकत गंग हर भाळ सदा।
चळ चळ चित चळळ अचळ जद विचळत अटळ धवळ केळास अदा।
पळ पळ नभ पळळ पळळ जद पळकत तड़त रूप निरखाय तमे।
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे।।   5
रम रम कर अजब रमत भुज रम कर कोलाहळ अत प्रबळ करे।
नम नम जद नमत तनय संग गिरजा सब गणधर गुणगान सरे।
भ्रम भ्रम भज भ्रमत भ्रमत भय भूधर सुणकर शंख आवाज समे।
बम बम कर बजत डमर रव बम बम तांडव हर हर नाच रमे जिय रामत शिव हर नाच रमे।।   6
धर पर उछळ उछळ कर पग धर विकराळ नृत ओंकार धरे
हर हर उचरत तव नाम दिवस रत सुख़ राजन कव आप करे
सरवत अब शहर शहर घर पूजत गम दुःख पीड़ा नाथ।गमे।।
बम बम कर बजत डमर रव बम बम तांडव हर हर नाच रमे।जिय रामत शिव हर नाच रमे।।   7
    🙏🙏छपे🙏🙏
रम रम तांडव रास हर हर चित्त हरखाय।
रम रम तांडव रास महादेव मन मुळकाय।
रम रम तांडव रास निरखत गिरजा नारी।
रम रम तांडव रास भुवन धूजे पद भारी।
परवत कैळास पर गिरजापत रचायो तांडव रास।
जपे कवि राजन कर जोड़ आशा पूरण अरदास।
🙏🙏🙏🙏🙏🙏🙏
कवि राजन झणकली कृत
🌺🌺🌺🌺🌺🌺🌺