वाह ! वाह ! यारो, मुंइंजा दिलदारो- आशूदान मेहड़ू जयपुर

अज मिड़े थद आरो थोकड़ो
खासो….उकड़ू वेठा चार पंज भाउर तड़के वेहि गाल्हियें जा गप्प ठेलिंदा डिठा…गाल्हियुं फक्त नेताएं जुं….हितां जी हुतां अईं हुतां जी हितां…. बस पोय मुखे सुझी आई….👍” नेताएँ जा नखरा ” 👌——कच्छी बोली प्यारी… यारी प्यारी..कामणगारी।
नेताएँ जा नखरा
फूंकें जा फफीड़ा
वाह ! वाह ! यारो ,
मुंइंजा दिलदारो ।
कम सजा बेली आँई ता सारो ,
असिं खाऊं ता गिनी उधारो ।।
वाह ! वाह ! यारो…..
1. कल्ला बिना चौ? थिये कुरो,
मुंह में राम…बगल छुर्रो ।
राजनीति जो ई ढंगड़ो ढर्रो,
लोक करें भले लख तकरार….
वाह ! वाह ! यारो…मुइंजा दिलदारो… …
2.नखरा मुहिंजा अहें निराला,
कुरो समझें ई माड़हू काला।
रंग रंगीला  कँधे  दुशाला,
करियां मीटीगुं भरमार….
वाह ! वाह ! यारो…मुहिंजा..दिलदारो …..
3.जे हितां न लगो दाँव मुहिंजो,
करियां बीहर… हुतां हिंय जो।
डिस्! वाह वाह थिये धोरे डीँहजो,
महीमां मूसलाधार….
वाह !  वाह ! यारो….मुहिंजा दिलदारो…
4.अजकल जमानो वाटस्अप जो
ठाहे ठोकाँ गब्बीड़ गप्प जो ।
राम भली… करे नालो रब्ब़ जो,
तौकल बेड़ा तार….
वाह ! वाह ! यारो….मुहिंजा दिलदारो…
5. सलाहकार मिड़े सुहिणा यारो,
घड़ें स्कीमुँ….कमाल कारो।
घते गोफण में…. चेपें चारों,
धब्बीड़ें जी धधकार….
वाह ! वाह! यारो…मुहिंजा दिलदारो…
6. भरें सलाम मुखे वड वडेरा,
होआ  जिहिंजा… पुछ ढिघेरा।
कुल भगा, हितां देर सवेरा,
मां! सभिन्न जो सरदार….
वाह ! वाह! यारो….मुहिंजा…दिलदारो……
7. खीर खाइजे…सदा खँढ सां,
विच में वेहणो सदा वंढ़❎सां।
मौज करणी सदा पराए फंड सां,
नित जो नामाचार….
वाह ! वाह ! यारो….मुहिंजा दिलदारो….
अज्ञात “आहत” आगम भाख्यो,
रस राजनीति जो चोखो चख्यो।
सच्च समूरो…. एहवाल पूरो,
चुक्तो लीगल “चारण” लिख्यो।
हथ्थ बध्धे हदपार…🙏…वाह!
वाह ! यारो…मुहिंजा दिलदारो ।
कम सजा बेली..आईं ता सारो…
असीँ खाऊं ता…गिनि उधारो….
वाह….वाह….यारो….🤑🤣
👉जे पसंद ना अचे…. तां माल पाछो 👌🦉🙈😷✅
आशूदान मेहड़ू जयपुर राज.