महान क्रांतिकारी ठाकुर केसरीसिंह जी बारहठ जयंती महोत्सव- अेक दिवलो केहरी रै नांव- नारायण सिंह तोलसर

महान क्रांतिकारी ठाकुर केसरीसिंह जी बारहठ जयंती महोत्सव
अेक दिवलो केहरी रै नांव
जै हिंगळाज आदरजोग सिरदारों । जै माताजी री सा
🙏🏻🌹🙏🏻🌻🙏🏻🌷🙏🏻🌸🙏🏻🌺🙏🏻
आपाणै चारण समाज रै इतिहास रै अँधारै पख नै आपरी दीठ, धीरता- वीरता अर विद्वता रै उजास सूं जगमग करणिया परभात रा सुमिरण करण जोग चारण कुळ तारण ठाकुर केसरीसिंह जी बारहठ री कालै 146 वीं जलम जैयंती है ।
जिण क्रांतिकारी री जोड़ रौ आखै राजस्थान में कोई दूजौ क्रांतिकारी नी हुतो !
जिण क्रांतिकारी री हाकल सूं अंगरेजी हाकिम थर थर धूजता हा !
जिण टणकै ठाकर री ठकराई सूं लांठां राजे – महाराजे ई शंकै में रैवता अर वां रौ घणौ कुरब- कायदौ करता हा ।
जिण त्यागी  आजादी रै जिग में आपरी आखी जूण, सगळौ पिरवार अर राजसी ठाट-बाट होम दिया हा ।
जिण रै पाण महाराणा मेवाड़ री हिंदुआ सूरज री किलंगी अर नी झुकण री मरजाद थिर रयी ही ।
अैड़े महामानव री जलम उच्छब माथै  कालै आप सगळां आप आपरी जग्या जळसौ करावौ, हरख उच्छब मनावौ अर आखी दुनिया नै बतावो कै आपां नुगरा नी हां ।
आज सिंझ्यारा मदनसा ढाढरवाला अर म्हारै लाडेसर दिग्विजयसिंह रै सागै नागोरीगेट,जोधपुर चारण हॉस्टल में विराजमान इण अमर हिंद केसरी री मूरत माथै मैणबत्तियां लगाय निवण करण रौ मोकौ मिळियो ।
कालै  21 नवम्बर री सुबै नव बजियां 9AM आपां जोधपुर चारण हॉस्टल में इण महान क्रांतिकारी री मूरत माथै श्रद्धा रा कीं फूल चढावां ।
तो पधारो सा ।
आपरी ऊडीक में
– नारायण सिंग तोळेसर
श्री चारण विकास परिषद् राजस्थान
🚩🌼🚩🌼🚩🌼🚩🌼🚩🌼🚩