नमो करन्नी सगत

!! नमो करन्नी सगत !!
प्रातः सिमरणां माननीय हुकमीचंद जी खिङिया, गीत विधा रा दैदिपायमान अर ऊजऴा नक्षत्र जिणां री जोङ रो कवेसर चिराग लेयर जोयां ही नी मिऴै उणारी गीत विधा री हटोटी री कैवत चालै है कि “हुकमीचंद हलाङिया गरूङ बचां जिम गीत” कविया हिंगऴाजदान जी भी प्रज्ञा मेधा रा धणी होवतां थकां भी रविन्द्रनाथ टैगोर ने हुकमीचंदजी रो हाथियां री लङाई रो गीत कलकत्ता में हुई मुलाकात मे सुणायो जिणनै सुणनै रविन्द्रनाथ जी रा माथा रा केस खङा हुय मुठ्ठियां भींचगी अर आंख्यां रा डोरा राता हूयग्या, समझ में कीं, नी आवतां थकां भी वीरारस रो एहङो अनूठो बरणाव सुण गदगद हूय आपरै श्रीमुख आ बात कैई के आज वीररस रो परतख परमाण देखियो, उणीज कविवर्य हुकमीचंदजी रो “जोगमाया श्रीकरनी जी रो गीत” जिणरो विज्ञ कविगण अर्थ कर बीजा पाठकां ने भी लाभ दिरावै तो सोनां मांही सुगन्ध जिसङो काम हुवै !!

!! गीत !!
वेदांवरन्नी आलोकांभेदां तुलज्जा तरन्नीबाला,
रंगी सूऴ तोकां ओकां भरन्नी रगत्त !
अधोका राकेस सीस धरन्नी घरन्नी ईस,
सरन्नी त्रिलोकां नमो करन्नी सगत्त !!
आभा निलै नूर छाजे नवीना मयंकवाऴी,
छीना लंकवाऴी वाजै घंटका छुद्राऴ !
जुगां बाऴी देहारी पै वेहारी अनूजा जयो,
मेहा री तनूजा जयो घंटाऴी मुद्राऴ !!
मत्ती क्रोध दाव दूठ दाहणी असन्त माडां,
संन्त चाडां आवै सीघ्र चाहणी सादेस !
बूडती जिहाजां सिंधु अथाहां बाहां,
अग्राहणी साहां सिंघ बाहणी आदेस !!
कोङवै तेतीस वंसां चा सारणा काज,
महाराज तेज धू धारणां अंसमाण !
नरां लोक तारणां पै असारणां जहां नेवी,
देवी जै कारणां नमो चारणां दीवांण !!