माँ करणी जी री चिरजा- रणजीत सिंह चारण, “रणदेव”

माँ करणी जी री चिरजा ।

ओजी, करनल जी, सुणों जी मैया मोरी बातडली।
ओजी बुलावोंनी मानें द्वार,,मैया मोरी लाढडली।।

देखण थारी सुरत मैया, नैना रा टीम-टीम चमकै।
आंख्या उबलैं आशा तरसै,,मैया मन गणों भडकै।।
ओजी बुलाईलों नी द्वार ,देशाणै गढ बीकडली,,

ओजी करनल जी……. 1

केवे मारों मन माता, आय दुख थे ही उबारों।
जाणों मती दुजों मनैं, किरपा अन-धन कारों।।
मैं करूँ अरदास करणी,सुणों मोरी मायडली।

ओजी करनल जी…….. 2

ओजी रग-रग केवे मारों , मैया तूँ ही तारणहार।
सपना माही केदों मनें, मैया कद बुलावणवार।।
आंख्या दु:खे मेहाई महाराज,जावैं जद रातडली।

ओजी करनल जी……. 3

ओजी कद बुलाओला मने,दर्शन ने मारा धणियाप।
बैगा-बैगा बुलाओ जी,मारा करनल जी आप।।
हरख मानें गणो लागें ,काबावाली काबडली।

ओजी करनल जी…….. 4

करुणामय किरतार ,थारा करणा दरसण मात।
राखू इच्छा हर साल ,ओरण जाय दिज्यो मत रात।।
रणदेव ने अब बुलायलों,जोवें थारी बाटडली।।

रणजीत सिंह चारण “रणदेव”
गांव – मूण्डकोशियां, राजसमंद
व्हाटसप न. – 7300174927

Post Views: 148